Քայլարշավ
Քայլարշավ
Գյումրին Հայաստանի երկրորդ ամենամեծ քաղաքն է և գտնվում է Շիրակի մարզի հյուսիս-արևմուտքում: Դարեր շարունակ Գյումրին հայտնի է եղել որպես մշակույթի, ստեղծագործական, ինժեներական և թեթև արդյունաբերության քաղաք:
Խորհրդային Միության ժամանակ մինչ նոր մայրաքաղաքի՝ Երևանի ընդլայնումը, Գյումրին կամ Լենինականը հայտնի էր որպես ամենամեծ քաղաքներից մեկը հանրապետությունում: Հին քաղաքի ճարտարապետությունը շատ գեղեցիկ է: Ներկայիս մշակույթի մայրաքաղաքը ողջունում է իր այցելուներին իր հիանալի ճարտարապետությամբ, հարուստ պատմությամբ և անթիվ հուշարձաններով:
Գորկու փողոց
Գորկի փողոցը քաղաքում ամենաերկար փողոցներից է, որը միացնում է Կայարանը Խաղաղության հրապարակին: Քաղաքով զբոսնելիս բաց չթողնեք Կայարանի շենքը, հայտնի 10-րդ դպրոցը, ոսկու և անտիկայի խանութները, ճարտարապետական կամարով գեղեցիկ բնակելիները, Բագրատունյաց այգին և այլն…
Կենտրոնական հրապարակ
Գյումրու կենտրոնական հրապարակը քաղաքի սիրտն է, որտեղ գտնվում են քաղաքի 2 գլխավոր եկեղեցիները, կինոթատրոնը, հին Աբովյան փողոց, գեղեցիկ հուշարձաններ, քանդակներ, պատմական կառույցներ, Ասլամազյան պատկերասրահը և այլն:
Քաղաքային կենցաղ
Գյումրի քաղաքի ամենահետաքրքիր հատվածներից մեկն է: Համոզվեք, որ բաց չեք թողնում Քաղաքային կենցաղի և ազգային ճարատարապետության թանգարանը, Մերկուրովի տուն-թանգարանը և հին Տերյան փողոցը:
Ալեքսանդրապոլ
Հին Գյումրու տարածքը այն տեղն է, որտեղ կծանոթանաք հնագույն Ալեքսանդրապոլին և իր յուրահատուկ և բնիկ ճարտարապետության հետ: Դուք կգտնեք ռուսական եկեղեցին, Կումայրի շրջանի Տերյան, Հանեսողլյան, Ջիվանի և Աճեմյան փողոցները, մարզային գրադարանն ու հարյուրավոր պատմական կառույցներ այս զբոսավայրում:
Այգի և Տեխնոլոգիական տարածք
Այս տարածքում կգտնեք Գյումրու Հին թատրոնը, որտեղ առաջին անգամ ցուցադրվել է Անուշ օպերան, ինչպես նաև Գյումրու Տեխնոլոգիական կենտրոնը:
Գարեջրատան տարածք
Այս զբոսավայրը ներառում է բազմաթիվ պատմաճարտապետական շինություններ, որոնցից են Գյումրու հին գարեջրատունը, Պոլոզ Մուկուչ ռեստորանը, մի շարք բնակելի շինություններ և այլն:
Թանգարանների տարածք
Այս տարածքում կգտնեք Գյումրու նշանավոր թանգարաններից երեքը՝ հայ մեծանուն բանաստեղծներ Ավ. Իսահակյանի և Հովհ. Շիրազի տուն-թանգարանները, և բոլորի կողմից շատ սիրված դերասան Մ. Մկրտչյանի հուշատուն-թանգարանը:
Թատերական հրապարակ
Այս տարածքը ընգրկում է Սայաթ-Նովա փողոցը, որտեղ տեղակայված են Գյումրու դրամատիկական թատրոնը, թատերական հրապարակը իր արձանախմբերով, ինչպես նաև Ա. Տիգրանյանի անվան այգին:
